Renaissance Mall & Marketplace, Crystal & Seaport Casino "Island Xtravaganza" Video

Renaissance Mall & Marketplace, Crystal & Seaport Casino ta regala un Ford Mustang den Island Extravaganza

Dia 28 di November lo tin evento grandi na Aruba y Corsou simultaneamente

Oranjestad - Teniendo na cuenta e presencia di Renaissance na Aruba y na Corsou, a dicidi cu e aña aki ambos entidad lo tene un campaña simultaneamente. E campaña a haña e nomber di Island Extravaganza y ta encera cu un cliente na Aruba y un cliente na Corsou lo gana un Ford Mustang nobo nobo como premio. E campaña ta inicia mesora y ta sigui te cu dia 28 di November proximo, como e campaña di fin di aña di Renaissance Resort, Mall & Marketplace, Crystal & Seaport Casino y di cerbes Balashi na Aruba. Un campaña similar lo core simultaneamente na nos isla ruman Corsou na unda cu clientenan di Renaissance Resort, Mall y Carnaval Casino conhuntamente cu cerbes Balashi ta participa.

E evento Island Extravaganza lo percura pa hopi ambiente, shopping, actividad pa famia den ambos mall y Casino na Aruba. Pa conclui e campaña, lo tene un evento dia 28 di November proximo cuminsando for di 10or di mainta te cu 10or di anochi, pues un evento cu ta dura 12 ora largo. Aki na Aruba lo sera e caminda dilanti Renaissance Resort pa asina clientenan por cana libremente for di un mall pa e otro, compaña pa hopi entretenimento pa mucha, car show, bailenan folklorico, festival di canto, show di moda, presentacion di bandanan musical y hopi mas.

E dia grandioso lo culmina di un manera spectacular cu un show di vuurwerk pa exactamente 10or di anochi. Tur esaki ta un evento pa nos atrae local y turista pa pasa un momento placentero ku nan famia den curason di Oranjestad.

E campaña magnifico Island Extravaganza cu Renaissance ta cuminsa diabierna 23 di October y pa participa ta facil. Cu cada compra den un di e tiendanan, restaurantnan of facilidadnan di Renaissance Mall & Marketplace na balor di 25 Florin, e cliente mester presenta e recibo di compra na Players Center di Crystal of Seaport Casino y reclama bo cupon pa participa. Clientenan mester yena nan nomber y deposita e cupon den e tombola situa den Seaport Casino of den Crystal Casino. Pa esnan cu ta hunga den e casinonan, lo entrega un cupon pa cada 25 punto cu e hungadornan logra acumula den Seaport of Crystal Casino. E premio lo ta un auto marca Ford nobo-nobo, modelo Mustang convertible full equipped cu tin para net dilanti Renaissance Mall.

E sorteo di e premio grandi lo tuma lugar riba dia 28 di November proximo durante e evento pa finalisa e campaña Island Extravaganza dilanti Renaissance Resort, Mall & Marketplace. Lo saca e premio pa 7or di anochi. Awor tin mas motibo ainda pa sigui bishita Renaissance Mall & Marketplace y Crystal & Seaport Casino. Un sin fin di oportunidad pa gana, disfrutando di e mihor tienda y restaurantnan riba nos isla.